(1) मरीचि के पुत्र कश्यप प्रजापति थे। ब्रह्मदेव की दाहिनी हाथ की बोटे की नली से दक्ष नाम का पुरुष और बाएँ हाथ की बोटे की नली से धरनी नाम की स्त्री जन्मीं। उन दोनों से एक हज़ार-हज़ार महा ऋषि जन्मे। (2) ब्रह्मा के मानस पुत्रों में दूसरे स्थान पर रहने वाले अंगिरस्‍ु को उद्दध्य, बृहस्पति और संवर्त जैसे पुत्र हुए। बृहस्पति देवताओं के आचार्य बने। (3) मैत्रि (अत्रि) नामक मानस पुत्र से अनेक महा मुनि जन्मे। (4) पुलस्त्य नामक ब्रह्मा के मानस पुत्र से राक्षसों का जन्म हुआ। (5) पुलह नामक मानस पुत्र से किन्नर और किमपुरुष वर्ग उत्पन्न हुए। (6) क्रतू नामक मानस पुत्र से पक्षियों की जाति उत्पन्न हुई।

॥ श्रीः ॥
1.90. अध्यायः 090
Mahabharata - Adi Parva - Chapter Topics
मृगयार्थं दुष्यन्तस्यारण्यगमनम्॥ 1 ॥
Mahabharata - Adi Parva - Chapter Text

जनमेजय उवाच। 1-90-0x(569)(3879)
संभवं भरतस्याहं चरितं च महामतेः।
शकुन्तलायाश्चोत्पत्तिं श्रोतुमिच्छामि तत्त्वतः॥ 1-90-1(3880)
दुष्यन्तेन च वीरेण यथा प्राप्ता शकुन्तला।
तं वै पुरुषसिंहस्य भगवन्विस्तरं त्वहम्॥ 1-90-2(3881)
श्रोतुमिच्छामि तत्त्वज्ञ सर्वं मतिमतां वर। 1-90-3(3882)
वैशम्पायन उवाच।
स कदाचिन्महाबाहुः प्रभूतबलवाहनः॥ 1-90-3x(570)
वनं जगाम गहनं हयनागशतैर्वृतः।
बलेन चतुरङ्गेण वृतः परमवल्गुना॥ 1-90-4(3883)
खड्गशक्तिधरैर्वीरैर्गदामुसलपाणिभिः।
प्रासतोमरहस्तैश्च ययौ योधशतैर्वृतः॥ 1-90-5(3884)
सिंहनादैश्च योधानां शङ्खदुनदुभिनिःस्वनैः।
रथनेमिस्वनैश्चैव सनागवरबृंहितैः॥ 1-90-6(3885)
नानायुधधरैश्चापि नानावेषधरैस्तथा।
ह्रेषितस्वनमिश्रैश्च क्ष्वेडितास्फोटितस्वनैः॥ 1-90-7(3886)
आसीत्किलकिलाशब्दस्तस्मिन्गच्छति पार्थिवे।
प्रासादवरशृङ्गस्थाः परया नृपशोभया॥ 1-90-8(3887)
ददृशुस्तं स्त्रियस्तत्र शूरमात्मयशस्करम्।
शक्रोपमममित्रघ्नं परवारणवारणम्॥ 1-90-9(3888)
पश्यन्तः स्त्रीगणास्तत्र वज्रपाणिं स्म मेनिरे।
अयं स पुरुषव्याघ्रो रणे वसुपराक्रमः॥ 1-90-10(3889)
यस्य बाहुबलं प्राप्य न भवन्त्यसुहृद्गणाः।
इति वाचो ब्रुवन्त्यस्ताः स्त्रियः प्रेम्णा नराधिपं॥ 1-90-11(3890)
तुष्टुवुः पुष्पवृष्टीश्च ससृजुस्तस्य मूर्धनि।
तत्रतत्र च विप्रेन्द्रैः स्तूयमानः समन्ततः॥ 1-90-12(3891)
निर्ययौ परमप्रीत्या वनं मृगजिघांसया।
तं देवराजप्रतिमं मत्तवारणधूर्गतम्॥ 1-90-13(3892)
द्विजक्षत्रियविट्शूद्रा निर्यान्तमनुजग्मिरे।
ददृशुर्वर्धमानास्ते आशीर्भिश्च जयेन च॥ 1-90-14(3893)
सुदूरमनुजग्मुस्तं पौरजानपदास्तथा।
न्यवर्तन्त ततः पश्चादनुज्ञाता नृपेण ह॥ 1-90-15(3894)
सुपर्णप्रतिमेनाथ रथेन वसुधाधिपः।
महीमापूरयामास घोषेण त्रिदिवं तथा॥ 1-90-16(3895)
स गच्छन्ददृशे धीमान्नन्दनप्रतिमं वनम्।
बिल्वार्कखदिराकीर्णं कपित्थधवसंकुलम्॥ 1-90-17(3896)
विषमं पर्वतस्रस्तै रश्मभिश्च समावृतम्।
निर्जलं निर्मनुष्यं च बहुयोजनमायतम्॥ 1-90-18(3897)
मृगसिंहैर्वृतं घोरैरन्यैश्चापि वनेचरैः।
तद्वनं मनुजव्याघ्रः सभृत्यबलवाहनः॥ 1-90-19(3898)
लोडयामास दुष्यन्तः सूदयन्विविधान्मृगान्।
बाणगोचरसंप्राप्तांस्तत्र व्याघ्रगणान्बहून्॥ 1-90-20(3899)
पातयामास दुष्यन्तो निर्बिभेद च सायकैः।
दूरस्थान्सायकैः कांश्चिदभिनत्स नराधिपः॥ 1-90-21(3900)
अभ्याशमागतांश्चान्यान्खड्गेन निरकृन्तत।
कांश्चिदेणान्समाजघ्ने शक्त्या शक्तिमतां वरः॥ 1-90-22(3901)
गदामण्डलतत्त्वज्ञश्चचारामितविक्रमः।
तोमरैरसिभिश्चापि गदामुसलकम्पनैः॥ 1-90-23(3902)
चचार स विनिघ्नन्वै वन्यांस्तत्र मृगद्विजान्।
राज्ञा चाद्भुतवीर्येण योधैश्च समरप्रियैः॥ 1-90-24(3903)
लोड्यमानं महारण्यं तत्यजुः स्म मृगाधिपाः।
तत्र विद्रुतयूथानि हतयूथपतीनि च॥ 1-90-25(3904)
मृगयूथान्यथौत्सुक्याच्छब्दं चक्रुस्ततस्ततः।
शुष्काश्चापि नदीर्गत्वा जलनैराश्यकर्शिताः॥ 1-90-26(3905)
व्यायामक्लान्तहृदयाः पतन्ति स्म विचेतसः।
क्षुत्पिपासापरीताश्च श्रान्ताश्च पतिता भुवि॥ 1-90-27(3906)
केचित्तत्र नरव्याघ्रैरभक्ष्यन्त बुभुक्षितैः।
केचिदग्निमथोत्पाद्य संसाध्य च वनेचराः॥ 1-90-28(3907)
भक्षयन्ति स्म मांसानि प्रकुट्य विधिवत्तदा।
तत्र केचिद्गजा मत्ता बलिनः शस्त्रविक्षताः॥ 1-90-29(3908)
संकोच्याग्रकरान्भीताः प्राद्रवन्ति स्म वेगिताः।
शकृन्मूत्रं सृजन्तश्च क्षरन्तः शोणितं बहु॥ 1-90-30(3909)
वन्या गजवरास्तत्र ममृदुर्मनुजान्बहून्।
तद्वनं बलमेघेन शरधारेण संवृतम्।
व्यरोचत मृगाकीर्णं राज्ञा हतमृगाधिपम्॥ ॥ 1-90-31(3910)

इति श्रीमन्महाभारते आदिपर्वणि संभवपर्वणि नवतितमोऽध्यायः॥ 90 ॥

Mahabharata - Adi Parva - Chapter Footnotes
1-90-9 परवारणवारणं शत्रगजानां निवारकम्॥ 1-90-13 धर्गतं स्कन्धारूढम्॥ 1-90-28 संसाध्य पाकादिना संस्कृत्य॥ 1-90-29 प्रकुट्य चूर्णीकृत्य। गजा वनगजाः॥ नवतितमोऽध्यायः॥ 90 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.